長野地道壽司店推介！高性價比 Omakase - 寿しなの

信州スシサカバ寿しなの 之前到日本嘅長野縣旅行，因為距離搭新幹線仲有一點時間，所以喺長野站附近逛同搵野食，意外地發現咗一間叫「信州スシサカバ寿しなの。」的壽司餐廳。呢間餐廳特別之處係有好多 omakase 套餐選擇，而且價格合理，唔會太貴，而且見佢裝修都好靚好新，所以試咗，覺得都唔錯！☺️ 一入餐廳見到設計簡潔得來有現代感，店內以木為主調，有大量木枱同埋木嘅牆身，營造出一種溫馨而舒適的氛圍，而地下係水泥地設計，風格比較年輕。唔怪之得會見到有好多年輕人，同放工一族幫襯，應該係比較地道本地人幫襯為主嘅壽司店！❤️ 當我坐低店員就好親切咁畀咗杯熱茶和熱毛巾畀我，仲有一份畫得好靚嘅餐牌，點咗其中嘅招牌菜「おまかせ握り 10種」，係一份由廚師發板挑選嘅十款壽司套餐， 大約只需2000日圓，真係好抵食！ 唔洗好耐壽司就上枱，全部壽司都整得好精緻，放係木制長碟上，好靚，每一件都感覺好新鮮。廚師發板嘅set 有好多唔同種類嘅壽司，包括有吞拿魚、三文魚、赤蝦、墨魚、吞拿魚手卷等。而壽司的米飯口感柔軟又彈牙，配埋唔同魚生同醬油，幾好味。最特別嘅係有白飯魚軍艦，第一次試白飯魚，細細條幾有口感，而且好新鮮，鮮甜，估唔到係咁好味！😋 呢個廚師發板雖然唔高級版嘅omakase，但全部都係日本師傅有心機嘅手握壽司，味道都唔錯，最重要係價格親民，而店舖木系裝修好有溫暖感，可以好悠閒咁食住壽司，飲住酒，同朋友一齊好開心咁享受呢個相聚時光。😁 P.S，餐牌係全日文，建議可以用google 翻譯，或同一個識日文嘅朋友仔一齊試😂 （如果識日文會試到好多唔多菜式😂） 信州スシサカバ寿しなの 📍地址： Suehirocho-1358, Nagano, 380-0825, Japan 長野県長野市末広町1358 🎌推介程度：❤️❤️❤️❤️ #長野#長野站#信州スシサカバ寿しなの #寿しなの #日本產#omakase#壽司#sushi#長野站前店#日本#日式#日本之旅#japan#自由行#必去#好去處#熱門菜式#打卡#攻略#chill#週末#快閃之旅#快閃#日本好去處#日本之旅#日本必食#旅行美食#旅行打卡#旅遊行程